Paris

Bezperan semaforoekin izandako eragozpen “txikia” ikusita eta jakinda Paris nolako hiria den, planak zertxobait aldatzea pentsatu dugu; ikasle-taldeen ordezkariei hiriko plano bana eman, irakasleok egingo dugun ibilaldia azaldu eta gurekin jarraitu edo euren kabuz ibiltzeko aukera eman diegu.

Motz geratuko ginateke Parisek ikusteko dituen gauzak esaten hasiko bagina, baino nagusi edo ezagunenak ikusten saiatu gara, lehenik Notre Dameko katedrala, Udaletxea eta Pompidou zentroa ondoren eta azkenik Louvre museo ezaguna. Sartu ere egin gara museo barruan eta beste artelan batzuen artean Hamurabiren Kodea, Miloko Venusa, Ramses II Napoleonen Koroazioa eta nola ez, Giocconda famatua ikusi ditugu.

Eiffel Dorrea jarri dugu topaketa gune eta han bildu gara guztiak. Han kontatu digute non ibili diren, metroan bueltaka, Mont Matre ederrean, Moulin Rouge ezagunaren aurrean, eta batzuk Eiffel Dorrera ere igo dira, nolabaiteko jakingura kulturala erakutsi dute eta hori poztekoa ere bada!

Beno, iritsi gara bukaerara, dagoeneko Tolosako bidea hartu dugu eta goizez iritsiko gara. Denetik izan dugu, euria, eguzkia, haizea, hotza, beroa, eta ez naiz eguraldiaz bakarrik ari, baina aberasgarria izan delakoan gaude, guretzat hala izan da behintzat.

Horrenbeste egun igaro eta gero, ez al ziren gutaz ahaztuko! Laster arte!!

PD: Argazkiak asteburuan igoko ditut, oraingo honetan internetarekin eragozpen batzuk izan baititugu…