Pragatik lehen berriak

WIFI sare bat aurkitu dugu azkenean eta bidaiako lehen berriekin gatozkizue. Bernan egon ondoren Pragan gaude dagoeneko. Orain arte, primeran izan dugu eguraldia, giroa, ikasleen jarrera eta interesa. Bernako eta Pragako monumentuei buruzko informazioa ikasleek azaldu dute aurkezpen moduan( Joseren gidaritzapean noski) . Autobusak esperientzia onak eta txarrak eman dizkigu. Onen artean jendearen arteko giroa, zine sesioak, irukargaiak eta garraioaren puntualtasun eta gidarien xarma. Txarren artean gure gazteek dutxa faltan botatzen dute (hori autobus barneko usainean nabaritzen da) eta honek egoera komikoak dakartza. Bideoak eta argazkiak bihartik aurrera ikusgai izatea espero dugu. Biharkoan sinbolismoz beteriko eguna izango dugu Auschwitz kontzentrazio esparrua bisitatuz. Denok irrikaz gaude gune historiko hau ezagutzeko. Eragozpenik ez badago Krakoviatik berri gehiago izango dituzue.